اعتبر حمدان قولي بكل معنى اعتراف ....... انته القمه في عيني و غير شخصك ما اعترف
ما احترفت الشعر جالك طالبنك الاحتراف ....... باحترافك ترفعه من بعد ما حاله ضعف
ارتشف منك المعاني والمواقف ارتشاف ....... لو يقال مقلدنك هذا هو عز الشرف
لو حصل يا تاج راسي وياك في الراي اختلاف ....... لك مكانه ما تغير مستحيله تنوصف
الزمن مجهول دربه ودايم فتوقه تعاف ....... والهبيل اللي بتياره مغفي وانجرف
بالقصيله والتعدي مسرف دايم اسراف ....... وان تبلتك العواصف كيف يحميك السعف
وانت يا حمدان بحر ما يجففه الجفاف ....... وانت نور الشمس نفسه وفرقاكم ما تنكسف
انت يا حر تعلى ما تغذى عالعجاف ....... سكر ابواب القضيه والملف اللي انكشف
انت بنفسك تقول اللي تعدى و طاف طاف ....... واعتبر ما صار ماضي عن حياتك انحذف :
هذا الشعر اهداه الشيخ أحمد بن محمد بن راشد آل مكتوم لأخيه حمدان
